ཟིན་བྲིས་འདི་སྒོ་འབྱེད་འབདཝ་ད་གཅིག་ཁར་ སྤྱིར་རྒྱལ་ཁམས་ཡོངས་དང་ལྷག་པར་དུ་འབྲུག་རྒྱལ་ཁབ་འདི་ནང་ ནད་ཡམས་དམག་འཁྲུགས་མུ་གེ་ཚུ་མེད་པར་ མཐོཝ་རྒྱལ་བཙུན་བློན་འཁོར་མན་ཆད་དང་ དམཝ་འབུབ་གྱོག་མུ་ཡན་ཆད་ ཇི་སྲིད་སྐལ་པ་མ་ཞིག་གི་བར་དུ་ ཞི་བདེའི་ངང་གནས་པའི་ཆེད་དུ་ གཏེར་སྟོན་པདྨ་གླིང་པའི་རྣམ་ཐར་གསོལ་འདེབས་རང་གི་ཞལ་གསུངས་མ་འདི་འདི་ནང་བཀོད་ནི་ཨིན།
ཨེ་མ་ཧོ། ཀུན་བཟང་རྡོར་སེམས་དགའ་རབ་ཤྲཱི་སིང་། །ཨོ་རྒྱན་པདྨ་ཡེ་ཤེས་མཚོ་རྒྱལ་དང་། །བརྒྱུད་པ་དྲུག་ལྡན་རིམ་བྱོན་པདྨ་གླིང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །པདྨས་སྨོན་ལམ་ཐུགས་རྗེས་རབ་བསྐུལ་ནས། །ཆོས་རྒྱལ་སྲས་མོ་ལྷ་ལྕམ་པདྨ་གསལ། །སྐྱེ་བའི་མཐའ་མ་རྒྱལ་སྲས་པདྨ་གླིང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མོན་ཡུལ་མི་ཁོམས་སྙིང་རྗེའི་ཡུལ་དབུས་འདིར། །ཕ་མའི་མངལ་འཁྲུངས་ལུས་ཀྱི་དཀྱིལ་འཁོར་རྒྱས། །སྐུ་ལ་མཚན་སྤྲས་རྒྱལ་སྲས་པདྨ་གླིང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཉི་ཤུ་རྩ་བདུན་སྟོན་ཟླ་ར་བའི་ཉ། །མཁའ་འགྲོས་ལུང་བསྟན་སྣ་རིང་བྲག་ལོགས་ནས། །ཨོ་རྒྱན་ཟབ་གཏེར་རྙེད་མཛད་པདྨ་གླིང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཟབ་དགུའི་གཏེར་གནས་མ་ལུས་ཐམས་ཅད་ནས། །གདུལ་བྱའི་དབང་གིས་ཟབ་གཏེར་ཀུན་བསླངས་ཤིང་། །འགྲོ་རྣམས་འདྲེན་མཛད་རྒྱལ་སྲས་པདྨ་གླིང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྐུ་གསུང་ཐུགས་ཀྱི་མཛད་པ་དེ་ཉིད་ནི། །ཞབས་རྗེས་བཞག་དང་ཉམས་དབྱངས་རྒྱང་གླུ་ལེན། །ཆོས་དབྱིངས་འགྱུར་མེད་རྒྱལ་སྲས་པདྨ་གླིང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །གར་བཞུགས་གནས་རྣམས་མ་ལུས་ཐམས་ཅད་དུ། །དབང་དང་ཆོས་འབྲེལ་སུས་ཐོབ་ལམ་སྣ་འདྲེན། །སྙིགས་མའི་འགྲོ་མགོན་རྒྱལ་སྲས་པདྨ་གླིང་། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རྒྱལ་བའི་རྣམ་སྤྲུལ་རྒྱལ་སྲས་པདྨ་གླིང་། །བདག་འདྲའི་རྗེས་འཇུག་སྐྱབས་མེད་སེམས་ཅན་ལ། །དུས་གསུམ་རྟག་ཏུ་ཐུགས་རྗེས་གཟུང་ནས་ཀྱང་། །ཀ་དག་གདོད་མའི་དབྱིངས་སུ་བསྐྱལ་བར་མཛོད། །
དེ་ལྟར་གསོལ་བ་བཏབ་པ་དེ་དེ་བཞིན་དུ་འགྲུབ་པའི་མཐུན་འགྱུར་མཛད་གནང་ཞུ།
Subscribe to:
Post Comments (Atom)
No comments:
Post a Comment